TUZO ZA WANAMICHEZO BORA 2011 MAMBO YAANZA

 

CHAMA Cha Waandishi wa Habari za Michezo Tanzania (TASWA), kimeanza mchakato wa Tuzo kwa Wanamichezo Bora wa Tanzania mwaka 2011.

Katibu Mkuu wa TASWA, Amir Mhando (pichani kushoto) ameiambia BIN ZUBEIRY leo kwamba kama ilivyokuwa mwaka uliopita Kamati ya Utendaji ya TASWA imeamua suala la mchakato wa kuwapata wanamichezo hao lifanywe na kamati maalum nje ya Kamati ya Utendaji ya TASWA lengo ikiwa ni kupanua wigo na kuwashirikisha wadau wengi zaidi katika jambo hili nyeti.

Kutokana na hali hiyo Kamati ya Utendaji ya TASWA imeshateua kamati maalum ya kusimamia tuzo hiyo, ambapo kamati hiyo ambayo tayari imeshaanza vikao vyake jijini Dar es Salaam ipo chini ya Mhariri Mkuu wa gazeti la Spoti Starehe, Masoud Sanani, ambaye pia aliiongoza kamati hiyo mwaka uliopita.

Kamati hiyo ya Tuzo ilikutana mara ya mwisho hivi karibuni kwa ajili ya kupanga namna ya kuendesha tuzo hizo kwa mwaka huu ili iwe bora zaidi ya ilivyokuwa mwaka jana.

Pamoja na mambo mengine kamati ilikubaliana vyama vya michezo vishirikishwe kwa kuviandikia barua ili vitume majina ya wanamichezo wao waliofanya vizuri kwa mwaka 2011.

Kutokana na hali hiyo kila chama cha michezo kitawasilisha  kwa kamati majina matatu ya wanamichezo wake waliofanya vizuri mwaka jana kwa wanaume matatu na wanawake matatu, ambao mmojawao atakuwa ndiye mshindi wa mchezo husika kwa mwaka jana.

Pia kila mshindi miongoni mwa wanamichezo hao atashiriki kuwania tuzo ya Mwanamichezo wa Bora wa Mwaka 2011. Tarehe na mahali ambapo tuzo itafanyika itatangazwa wiki hii baada ya kumalizika vikao muhimu, ambapo pia mdhamini wa tuzo atatajwa, ingawa TASWA inafungua mlango kwa kampuni zaidi zijitokeze kudhamini kwa vile tuzo ya mwaka huu itakuwa ya aina yake.

Kwa hiyo wafuatao ndio wanaunda Kamati ya TASWA ya Kusimamia Upatikanaji wa Wanamichezo Bora wa Tanzania kwa mwaka 2011, wengi wakiwa ni wale waliokuwepo mwaka uliopita..

Mwenyekiti wa Kamati atakuwa Sanan, ambaye ni Mhariri wa gazeti la Spotistarehe, Katibu wa kamati atakuwa Amir Mhando ambaye ni Katibu Mkuu wa TASWA,  Mshauri wa Kamati atakuwa Juliana Yassoda ambaye ni Naibu Mkurugenzi wa Idara ya Maendeleo ya Michezo. Pia Kamati itaomba Ofisa mmoja wa Baraza la Michezo la Taifa (BMT) naye kuwa mshauri wa kamati.

Orodha kamili ya wajumbe ni

1.Amour Hassan-Mhariri Nipashe

2. Rashid Zahoro-Mhariri gazeti la Burudani

3. Alex Luambano-Clouds FM

4. Tulo Chambo-Mhariri Tanzania Daima

5. Mbonile Burton-HabariLeo

6. Chacha Maginga-TBC1

7.Frank Sanga-Mhariri Mwanaspoti

8. Michael Maurus-Super Star

9. James Range-Star TV

10.Editha Mayemba-Radio Tumaini

11. Said Kilumanga-Chanel Ten/Magic Radio

12.Rehule Nyaulawa-Mkurugenzi Times FM

13. Angel Akilimali-Meneja Vipindi Radio Uhuru

14. Masoud Sanan-Mhariri Spotistarehe

15. Amir Mhando-Katibu Mkuu TASWA

16. George John –Katibu Msiadizi TASWA

17.Patrick Nyembela-EATV

18: Juliana Yassoda-Naibu Mkurugenzi Idara ya Michezo

19. Luqman Maloto-Championi

20. Deo Rweyunga-Radio One

21. Andrew Kingamkono-Mhariri Mwananchi

22. Dominick Isiji-The African

23. Ofisa kutoka BMT

WAFUNGAJI WA MABAO LIGI KUU BARA

NO	JNO	GOAL SCORERS	GOALS	TEAM	HTR	PNT
1	19	JOHN BOCCO	17	AZAM FC	0	2
2	26	KENNETH ASAMOAH	10	YANGA SC	0	0
3	25	EMMANUEL OKWI	10	SIMBA SC	0	0
4	20	HAMIS KIIZA	10	YANGA SC	0	1
5	3	NSA JOB	10	VILLA SQUAD FC	0	2
6	30	PATRICK MAFISANGO	10	SIMBA SC	0	1
7	29	SAID BAHANUZI	7	MTIBWA SUGAR	0	0
8	27	MOHAMED KIJUSO	7	VILLA SQUAD FC / RUVU SHOOTING	0	2
9	11	GAUDENCE MWAIKIMBA	6	MORO UNITED	0	0
10	9	JUMA SEMSUE	6	POLISI DODOMA FC	1	0
11	16	MRISHO NGASA	6	AZAM FC	0	0
12	28	DAVIES MWAPE	6	YANGA SC	0	0
13	10	KIPRE TCHETCHE	6	AZAM FC	0	0
14	10	FELIX SUNZU	6	SIMBA SC	0	1

MSIMAMO WA LIGI KUU BARA

NO	TEAMS	P	W	D	L	GF	GA	GD	PTS
1	SIMBA SC	25	18	5	2	42	12	30	59
2	AZAM FC	25	16	5	4	38	13	25	53
3	YANGA  SC	25	15	4	6	41	25	16	49
4	MTIBWA SUGAR SC	25	11	6	8	35	28	7	39
5	COASTAL UNION SC	25	11	3	11	26	29	-3	36
6	JKT OLJORO FC	25	9	7	9	19	25	-6	34
7	KAGERA SUGAR FC	25	7	11	7	25	24	1	32
8	RUVU STARS SC	25	7	11	7	26	32	-6	32
9	RUVU SHOOTING FC	25	7	10	8	22	21	1	31
10	TOTO AFRICAN FC	25	5	11	9	24	29	-5	26
11	AFRICAN LYON FC	25	5	9	11	21	29	-8	24
12	VILLA SQUAD FC	25	6	5	14	28	48	-20	23
13	POLISI DODOMA FC	25	3	9	13	18	33	-15	18
14	MORO UNITED FC	25	3	9	13	27	44	-17	18
	TOTAL	175	62	53	61	392	392	0	474

SATURDAY, MAY 5, 2012

MAYWEATHER AMTWANGA COTTO, LAKINI AMWAGA MCHUZI

Mayweather kulia akiadhibiwa huku damu zikimtoka puani

Getty Images

2012-05-05

Floyd Mayweather (kulia). 

LAS VEGAS, Marekani

BONDIA Floyd Mayweather Jr. ameendeleza ubabe baada ya alfajir hii kumtandika kwa pointi Miguel Cotto katika pambano lililokuwa kali na la kusisimua.

Mayweather alitumia kasi yake na ufundi kumshinda Cotto, ingawa haikuwa kazi nyepesi kwani mpinzani wake huyo alikuwa akitupa makonde ya maana na kushambulia mwanzo mwisho.

''Wewe ni bingwa hatari,'' Mayweather alimuambia Cotto ulingoni baada ya pambano. 'Wewe ni kinana wa nguvu ambaye sijawhai kukutana naye.''

Mayweather alitawala raundi ya mwisho, ya 12 akimnyanyasa Cotto na kujihakikishia kucheza mapambano 43 bila kupigwa. Tofauti na mapmabano yake mengi, Mayweather alitokwa damu puani mbele ya Cotto.

Majaji wawili walitoa pointi 117-111 na wa tatu akatoa 118-110, hivyo Mayweather ameshinda kwa pointi 116-112.

Mayweather aliyepigana wiki chache tu kabla ya kuingia jela ya kutumikia kifungo cha miezi mitatu, alikutana na pambano gumu dhidi ya mplnzani ambaye anakwenda mbele wakati wote. 

Lakini alikuwa mwenye kasi na mjanja zaidi ya Cotto na alionekana kumvaa katika raundi za mwisho.

Katika raundi ya mwisho, Mayweather alipiga ngumi yake bora zaidi kwenye pambano hilo, uppercut ya mkono wa kushoto ambayo ilimuonekana kumuumiza Cotto. 

Mayweather, aliyeahidiwa kupewa dola za Kimarekani Milioni 32, alilazimika kupigana kila dakika katika raundi 12 za pambano dhidi ya mbabe huyo wa Puerto Rico. 

Mayweather atakuwa jela wakati Manny Pacquiao anapanda ulingo huo huo wa MGM Grand Juni 9, dhidi ya Timothy Bradley. Pambano tamu zaidi la ngumi wanalolisubir9ia wapenzi wengi wa mchezo huo duniani ni kati ya Mayweather dhidi ya Pacquiao, ambalo halijapangwa kufanyika.

Hii inatokana na msistizo wa Mayweather kutaka Pacquiao afanyiwe vipimo vya kutumia dawa za kuongeza nguvu, ingawa tayari Pacquiao amesema yuko tayari kufanya hivyo.

''Nataka kupigana na Pacquiao, lakini anahitaji kufanyiwa kwanza vipimo vya kutumia dawa za kuongeza nguvu kabla ya kupambana naye,'' alisema Mayweather.

Takwimu za makonde, zinaonyesha Mayweather alipiga ngumi 179 zilizofika kati ya 687 alizotupa na Cotto alipiga ngumi 105 zilizofika kati ya 506.

Cotto, ambaye sasa anakuwa amepigwa mapambano matatu 37, aliahidiwa kupewa dau kubwa zaidi katika historia yake ya kupigana, dola Milioni 8.