WAKATI shindano la kumsaka Redd’s Miss Kurasini 2012
likitarajiwa kufanyika keshokutwa kwenye ukumbi wa Equator Grill uliopo Mtoni jijini
Dar es Salaam, mrembo atakayetwaa taji hilo atazawadiwa kitita cha sh.500,000.
Mkurugenzi wa Zum
Fashions and Entertainment inayoandaa shindano hilo Zuwena Mustapha, alisema
kwamba maandalizi ya shindano hilo yanaendelea ambapo warembo 16 watapanda
jukwaani kuwania taji hilo.
Alisema mshindi wa pili ataondoka na sh.350,000, huku
mshindi wa tatu atapata sh.250,000, wakati mshindi wa nne na wa tano kila mmoja
atapata sh.200,000 na washiriki waliosalia kila mmoja atapata sh.200,000.
Zuwena aliongeza kuwa warembo hao wanaendelea na mazoezi
katika ukumbi huo chini ya ukufunzi wa mshindi wa taji la vipaji katika fainali
za Miss Tanzania mwaka 2011 Rose Herbert.Taji la Miss Kurasini linashikiliwa
na Mwajabu Juma ambaye pia anashikilia
taji la Top Model la Miss Tanzania mwaka 2011.
Aliwataja warembo hao kuwa ni pamoja na Tulekene Seth,
Christina Moses, Flaviana Maeda, Farida Mrope, Edina Magige, Nzelani Juma, Anna
Zakaria, Linda Deus, Angle Gasrper, Zuhura Sadiki, Mwanaisha Zuberi, Irene
Sostenes, Sia Kimambo, Lilian Joseph, Asha Musa na Betty Peter.
Aidha, bendi ya muziki wa dansi ya Fm Academia na malkia wa
taarab nchini Khadija Omar Kopa wanatarajiwa kupamba fainali za shindano la
Miss Kurasini mwaka 2012 zitakazofanyika kesho kwenye ukumbi wa Equator Grill,
uliopo Mtoni Sabasaba jijini Dar es Salaam.
Miss Kurasini imedhaminiwa na Lady Pepeta, Flexip, Redd’s,
Pj Amusement, Dodoma Wine, Renzo Salon, Madirisha Video Production, Jambo Leo,
Aucland Tours and Safaris, Clouds Fm, Father Kidevu Blog, Candy Bureau de
Change, Neema Classic Wear na Giraffe Ocean View Hotel.
Comments
Post a Comment