HAPA CHEGE&TEMBA, PALE AY&FA NI NDANI YA DAR ALIVE J'2 HII

Na Mwandishi Wetu

WIKI moja baada ya kukamilisha shoo ya ukweli iliyowahusisha Juma

Nature na Nameless, kesho Jumapili ndani ya Dar Live kutakuwa na mzigo

mwingine wa ukweli utakaowahusisha AY na MwanaFA wakionyeshana ubabe

na Chegge na Temba.

Mratibu wa Burudani wa Dar Live, Juma Mbizo ameweka wazi kuwa baada ya

kufanikiwa katika shoo iliyopita, timu yake imejiandaa kupokea idadi

kubwa ya mashabiki, huku akisisitiza kuwa wasanii watakaotoa shoo siku

hiyo wote wameshakamilisha maandalizi.

“Kinachongojewa ni muda tu ili kukamilisha shoo hiyo, wasanii hao wote

hawahitaji kuelezewa juu ya ubora wao, wakazi wa Dar na vitongoji

vyake wanakaribishwa kuona mapinduzi ya burudani,” alisema Mbizo.

Burudani ya siku hiyo itakuwa imesheheni zaidi kwa makundi maarufu ya

taarabu ya East African Melody chini ya mkongwe Mwanahawa Ally na TOT

Taarab inayoongozwa na Khadija Kopa yatakapoonyesha kazi.

Kwa upande wa dansi wakali wa miondoko hiyo African Stars International ‘Twanga Pepeta’ wataonyesha vitu vyao.

Aidha, aliongeza kuwa siku hiyo pia kutakuwa na mchujo wa washiriki 30

wa Shindano la Vaa, Imba na Cheza kama Rihanna ambao wataanza kushiriki shindano hilo hatua ya mchujo kwa mara ya kwanza.

Kinadada watakaoonyeshana kazi ni katika vaa, imba na cheza kama

Rihanna ni: Aisha Hassan, Wellu Sengo, Fatna Kivava, Nitaedith Richard, Babro Beckerham, Suzan Chubwa ‘Queen Suzy’, Hellen David,

Pasilida Mandari, Doroth Remi, Blandina Godfrey, Lailath Mohamed,

Maria Christopher, Raya Ally, Elifuraha Ephraim, Caroline David,

Pamela Daffa na Rozina Jonas.

Wengine ni Rukia Mohamed, Like Abraham, Zaitun Yahaya, Anatolia Raphael, Asia Halfan, Anna Maya, Lydia Masisi, Lilian Pissy, Neema Abraham, Rachel Jailos, Suleiya Abdallah na Evelyne Leonard.