YANGA WAINGIA MJENGONI KUINOLEA MAKALI TOTO AFRICANS


Kikosi cha timu ya Young Africans Sports Club mara baada ya mazoezi ya leo asubuhi katika uwanja wa mabatini kijitonyama, kimeingia kambini katika hosteli za klabu zilizopo makao makuu ya Yanga mitaa ya Twiga/Jangwani kwa ajili ya kujiandaa na mchezo wake dhidi ya timu ya Toto Africans siku ya jumamosi katika dimba la Uwanja wa Taifa jijini Dar es salaam.
 
Wachezaji wote wameingia kambini kwa ajili ya kujianda ana mchezo huo wa jumamosi ambao Yanga inahitaji kupata pointi 3 muhimu ili kuendelea kujiweka katika mazingira mazuri ya kuendelea kuongoza msimamo wa Ligi Kuu ya Vodacom na hatimaye kutwaa Ubingwa.
 
Katika mazoezi ya leo wachezaji watatu (3) hawakuweza kufanya mazoezi kutokana na kuwa matatizo tofauti, wachezaji hao ni Ally Mustafa 'Barthez' (tumbo), Juma Abdul (malaria) na Nurdin Bakari (goti), daktari wa timu Dr Nassoro Matuzya amesema wachezaji hao wanaendelea vizuri na huenda kesho wakajumuika na wachezaji wengine katika mazoezi ya asubuhi.
 
Baada ya kuichapa timu ya Kagera Sugar kwa bao 1-0 katika mchezo uliopita mwishoni wa wiki, timu ya Young Africans Sports Club itashuka dimbani siku ya jumamosi kucheza na timu ya Toto Africans ya kutoka jijini Mwanza, mchezo utakaofanyika katika dimba la Uwanja wa Taifa jijini Dar es salaam kuanzia majira ya saa 10 jioni.
 
Young Africans ambayo inaongoza msimamo wa ligi kuu ya VPL itashuka dimbani kusaka pointi 3 muhimu ambazo zitaendelea kuifanya iendelee kuongoza msimamo wa ligi kuu lakini pia kushinda mchezo huo itakua ni kuendeleza ushindi mfululizo ktika michezo yake ya mzunguko wa pili wa Ligi Kuu ya Vodacom Tanzania Bara.
 
Katika mchezo wa mzunguko wa kwanza wa Ligi Kuu ya Vodacom kati ya Toto African dhidi ya Yanga mchezo uliofanyika katika uwanja wa CCM Kirumba jijini Mwanza, watoto wa Jangwnai Yanga waliweza kuibuka na ushindi wa mabao 3-1, mabao yaliyofungwa na Didier Kavumbagu, Jerson Tegete na Mbuyu Twite.
  
Young Africans yenye jumla ya point 42 na mabao 35 ya kufunga na mabao 12 ya kufungwa itashuka dimba la uwanja wa Taifa kuhakikisha inaibuka na ushindi katika mchezo huo dhidi ya timu ya Toto African ambayo inakamata nafasi ya pilli kutoka mwisho katika msimo wa ligi kuu ya Vodacom nchini kwa kuwa na point 14.
CHANZO:www.youngafricans.co.tz

0 Maoni::

Post a Comment

Note: Only a member of this blog may post a comment.